თბილისის ნიჭიერთა კერძო სკოლა-აკადემიაში სკოლის დირექტორად ინიშნება სათანადო განათლების მქონე პიროვნება პარტნიორთა კრების წარდგენით, საერთო კრების გადაწყვეტილების საფუძველზე.

სკოლის დირექტორი:

1. თავის მუშაობას წარმართავს ქვეყნის კონსტიტუციის, განათლების კანონისა და კანონქვემდებარე აქტების საფუძველზე;
2. აფორმებს შრომით კონტრაქტებს ყველა თანამშრომელსა და სტრუქტურული ერთეულის ხელმძღვანელთან;
3. ხელმძღვანელობს სასწავლებლის მთლიან საქმიანობას და კონტროლს უწევს სკოლის შინაგანაწესის შესრულებას;
4. კონკურსის საფუძველზე თანამშრომლებს ნიშნავს და ათავისუფლებს საკონტრაქტო პირობების შესაბამისად.
5. უნაწილებს ფინქციებს სტრუქტურული ქვედანაყოფის ხელმძღვანელებს, კონტროლს აწესებს მათ მუშაობაზე;
6. გამოსცემს ბრძანებებს, რომელთა შესრულება სავალდებულოა სკოლის ყველა თანამშრომლის და მოსწავლისათვის;
7. ორგანიზაციას უწევს სასწავლო-აღმზრდელობით მუშაობას ყველა სფეროში;
8. განსაზღვრავს სასწავლებლის ძირითად მიმართულებებს;
9. წარმოადგენს სკოლის ინტერესებს სახელმწიფო, კერძო და საზოგადოებრივ  ორგანიზაციებში;
10. ორგანიზაციას უწევს პედსაბჭოს სხდომების ჩატარებას;
11. ხელმძღვანელობს სასწავლო-აღმზრდელობით პროცესს ყველა ეტაპზე;
12. ახორციელებს კონტროლს სასწავლო პროგრამების შესრულებაზე, მოსწავლეთა ცოდნის ხარისხზე, სასწავლო-აღმზრდელობითი მუშაობის შინაარსსა და ეფექტურობაზე.
13. ქმნის პირობებს დაწესებულების პერსონალის მაღალნაყოფიერი მუშაობის, თანამშრომელთა შემოქმედებითი ზრდის, პედაგოგიური ექსპერიმენტების განხორციელებისათვის.
14. აკონტროლებს ბავშვთა უფლების დაცვის, მოსწავლეთა და პედაგოგთა შრომის დაცვის მოთხოვნათა შესრულებას;
15. ადგენს სკოლის ხარჯთაღრიცხვას და უზრუნველყოფს მის რაციონალურად და მიზანმიმართულად გამოყენებას;
16. მოქმედი კანონმდებლობის შესაბამისად განაგებს სასწავლებლის ქონებას. უზრუნველყოფს სასწავლო – მატერიალური ბაზის აღრიცხვას, დაცვას და შევსებას, ასევე სანიტარულ-ჰიგიენური რეჟიმის, უსაფრთხოების ტექნიკისა და ხანძარსაწინააღმდეგო წესრიგის დაცვას;
17. მონაწილეობს დაწესებულების ხედვის, მისიისა და ღირებულებების შემუშავებაში.
18. ამტკიცებს დაწესებულების განვითრების ერთწლიან სამოქმედო და ექვსწლიან სტრატეგიულ გეგმებს.
19. დებს გარიგებებს (ხელშეკრულებები, მემორანდუმები, ურთიერთშეთანხმების აქტები) და იღებს გადაწყვეტილებებს მომქმედი კანონმდებლობით, წესდებითა და წინამდებარე დებულებით გათვალისწინებულ სხვა საკითხებთან დაკავშირებით.
20. თავისი მუშაობის ხარისხით პასუხისმგებელია პარტნიორთა კრების წინაშე.